Украинада Ресей жағында соғысып, қаза тапқан екі қазақстандықтың мәйіті елге жеткізілген. Олар "Вагнер" жалдамалы жендеттер тобында болған. Алматы әкімдігі 24 ақпанда Украинаны қолдауға арналған пикет өткізуге рұқсат бермеді. Ал әкімдіктен 8 наурызда әйелдер шеруіне бөгет болмауды талап еткен екі белсенді Абай театры алдында акция өткізді. Ресей Украина жерінен әскерін әкетіп, соғысты тоқтатуы керек деген мәндегі БҰҰ қарары дауысқа салынбақ. Киев ұсынған жаңа резолюцияны батыс қолдап, Мәскеу біржақты деп атады.